Avant consomme ene la chaire ...

Avant consomme ene la chaire, d'abord bizin assuré ki c'est la chaire ene zanimau ki gagne droit consommé d'après shariat couma boeuf, cabri, mouton, cerf, poule etc. et après ça nou assuré ki ça fine faire zabah d'après shariah.

Pou ene zabah li vine valable d'après shariah, faudré ki ça zanimau-là ti vivant au moment de zabah ki fine faire par ene musulman ki sain d'esprit et ki li fine lire Bismillah avant li faire zabah. Si li faire zabah ene quantité zanimau à la fois, alors li bizin lire Bismillah lors chaque zanimau. Li bizin lire Bismillah avec ene la voix ki capave tendé. Lire li dans le coeur ou bien ene quantité doucement ki pas tendé, li pas sufi.

Bizin coupe 4 la veines dans li cou pou ene zanimau vine halaal. C'est-à-dire bizin coupe deux la veines ki amène du sang (veine jugulaire), la veine ki nourriture traversé et la veine ki servi pou respiré. Là-dans si au lieu 4, fine coupe 3, alors ça aussi li passable mais pas moins ki ça.

[Extrait de Al Jamiat Vol.6 No.1]