Pou l'amour Rassouloullah ‎(Sallallaahou A'laihi Wasallam)‎

Fine rapporté depi dans ene livre ki appelle Al- Musaamaraat ki ene personne fine décide pou alle faire hajj. Alors li fine prend 1000 Dinar pou faire préparation. En route ene madame fine zoine li et fine dire li ki li ene descendant Nabi ‎(Sallallaahou A'laihi Wasallam)‎ et ki li dans le besoin. Alors la personne fine dévide tout ceki li ti ena avec li et li fine donne ça madame-là. Quand banne haji commence retourné, tout ceki li pé zoine pe dire li :

تقبل الله منك

Ki Allah accepté de to part

Li fine étonné par ceki zotte fine dire li. Alors li fine rêve Nabi ‎(Sallallaahou A'laihi Wasallam)‎. Nabi ‎(Sallallaahou A'laihi Wasallam)‎ dire li "To pé étonné par ceki banla pé dire toi ? Li dire  Oui, O Allah so Rasoul. Lerla Rassouloullah ‎(Sallallaahou A'laihi Wasallam)‎ dire li ki Allah fine crée ene ange dans to forme ki fine faire hajj de to coté et li pou continué faire hajj de to coté ziska qiyaamat acoze l'aide et l'assistance ki to fine accordé à ene madame dans mo descendant ki ti dans extrême besoin."

 

(Raddul Muhtaar) Babul-Hadj – Kitaabul Hajj

[Extrait de Al Jamiat Vol.7 No.3]