Le vrai goût de Imaan

 ثلاث من كن فيه وجد حلاوة الايمان :

ان يكون الله ورسوله احب اليه مما سواهما وان يحب المرأ لا يحبه الا لله وان يكره ان يعود فى الكفر كما يكره ان يقذف فى النار (البخارى) 

Traduction :

Celui ki ena trois qualités dans li, li pou gagne la (vrai) douceur de Imaan:

  1. Ki Allah et so Rasoul r li cher à li plis ki tout kitchose,
  2. Ki li content ene dimoune zisse acoze Allah Ta'ala,
  3. Ki li détesté pou retombe dans Kufr pareil couma li détesté l'idée pou tombe dans du feu.

 

Explication:

حلاوة الايمان veut dire la douceur de Imaan. Nabi r fine compare Imaan avec nourriture ki nou consommé pou montré ki Imaan aussi li ena ene goût couma banne nourriture ena goût. Mais ena des fois, ene dimoune li pas gagne le goût réel de ceki li pé mangé quand li malade et so la bouche gâté. Coumsa même quand ene dimoune li malade spirituellement, li pas gagne le vrai goût de Imaan et de banne ibaadat en général. Dans ça hadice-là, Rassouloullah r fine attire nou l'attention vers banne qualités ki nou bizin inculqué et développé dans nou pou nou gagne le vrai goût de Imaan.

حب عقلى et حب طبعى

 

 

Content ene kitchose, li vine dans deux façons:

Nou content ene kitchose acoze ki li satisfaire nou désir et nou capave gagne ene plaisir là-dans. Par exemple nou content bon menu, joli la caze, joli l'habillement etc. Dans content ça banne kitchose-là, nou pas bizin faire aukene zeffort. Li vine par li même parceki li trouve dans nou nature. Ça façon content ene kitchose-là appelle حب طبعى.

 

Et parfois nou content ene kitchose zisse acoze ki nou trouve nou l'avantage là-dans malgré ki nou capave pé subir ene certaine genre de difficulté aussi. Par exemple ene médicament ki bien amer. Normalement ene dimoune li pas content ene tel médicament. Mais malgré ça, li dérangé li alle la pharmacie, li acheté li et li pèse néné li boire li avec boucou difficulté. Li accepté faire tout ça-là zisse acoze so la santé. Ça façon content ene kitchose-là appelle li     حب عقلى.

حب عقلى li pas vine par li même. Bizin faire zeffort et donne de peine pou ça vine dans ou. Dans le hadice, c'est ça même genre de l'amitié ki fine être recommandé pou inculqué pou Allah Ta'ala et so Rasoul r ki avec le temps li converti en حب طبعى cot ene dimoune pas trouve narien pli bon ki Allah ek so Rasoul r.

Préparé par M R Meerun