Dans Khutbah Jummah le 27/01/2017 Cehl Meea fine dire ene parole ki mo ti envie verifié si li correct.

Question ID: 
1001

Question

Assalaamu alaikum

Mufti Sahab, Dans Khutbah Jummah le 27/01/2017 Cehl Meea fine dire ene parole ki mo ti envie verifié si li correct.

Li fine dire ki tous dimoune pou rente dans difeu l'enfer meme pou ene ti moment aussi. Banne prophete aussi pou bizin rentrer la dans.

Et comme prevue li fine mentionne verset 71 et 72 de Surah Maryam cote Allah dire " Pena ene parmi ou eccepté Ki pou present li dans difeu la. Sa c'est ene decision ki to rabb ine fini prend".

Ki ou l'opinion lor la?

Jazaakumullahu khairaa

Answer

Wa alaikumus salaam.

Ena divergence dans interprète sa verset la.
D’après Hazrat Abdullah Ibne Abbaas (Radhiyallaahu anhu) le mot waarid ( وارد ) ki dérivé a partir wourood ( ورود ) signifié RENTRE dans Jahannam. Mais Abdullah Ibne Abbaas même dire dans ene lot version ki sa li applique pour banne non-musulman.

Hazrat Abdullah Ibn Mas'oud (Radhiyallaahu anhu) li dire sa li signifié TRAVERSE lor ene pont ki pou ena lor Jahannam.

D’après banne savants dans le domaine de Hadith, li pli correct pou dire ki sa signifié TRAVERSE lor pont ki ena lor Jahannam ki Musulman et Non-Musulman tous les deux ena pou traversé, mais Allah ta'aala pou protège banne musulman couma sa fine mentionné toute suite après sa verset la.

Ena encore lezot divergence ki nous pas fine mentionné pou pas faire réponse la trop longue. Saki nous fine dire c'est l'opinion de la majorité.