Couvert cheville

Ene missié bizin pas couvert so cheville quand li mette so pantalon ou pyjama. Li bizin laisse so cheville découvert. Coumsa même li pas gagne droit mette ene kurta ou ene jubba ene longueur ki ça li couvert so cheville. Ça li ene façon habillé de banne ki ena l’orgueil. L’orgueil li haram. So ene quantité narien ditout li sufi pou empêche ene dimoune rente dans jannat. Couma l’orgueil li empêché et li interdit, coumsa même bizin évite ene kitchose ki li ene signe de l’orgueil. Couvert cheville avec pantalon, pyjama, kurta ou jubba li ene signe de l’orgueil. Ça li pou interdit quand même ene dimoune pena aukene l’intention de l’orgueil. Mais li empêché acoze ki li ene signe de l’orgueil. Li pou pli grave si ene dimoune faire li par l’orgueil. Coumsa même pas gagne droit imite banne perverses dans zotte style habillé. Ça li applique pou namaz et en dehors namaz tous les deux.

[Extrait de Al Jamiat Vol.8 No.4]