Détesté ene imaam

Li pas ene bon signe quand banne mouswalli detesté ene Imaam. A moins si sa Imaam là ena kit defaut ki valide et fondé d'après Shari'ah. Sinon detesté ene Imaam sans ene raison valabe, li ene acte ki pas faire Allah Ta'ala plaisir.

Dans commentaire ene hadice dans Abou Dawood, rapporté par Hazrat 'Abdoullah bin 'Amr ‎(Radiyallahou anhou‎)‎, 'Allamah Al-Khattaabi (rahmat-oullahi 'alayh) de 4eme siècle dire: "Sa avertissement-la paraite ki li appliqué pou ene Imaam ki pas qualifié pou Imaamat. Quant à ene personne competent pou Imaamat, alors c'est banne ki detesté li pou être blamé non plus le imaam en question."

[Extrait de Al Jamiat Vol.1 No.1]