Autorise ene kikene vine ene kaafir

Autorise ene musulman vine ene kaafir li ene acte de kufr ki faire la per­sonne vine ene kaafir. Li vrai ki l'Islam pas fine force kikene embrasse l'Islam. Mais ça aussi li vrai ki jamais li fine tolère ene musulman change so la religion. Ene musulman ki renonce l'Islaam appelle ene Mourtadd. Et ene Mourtadd so punition c'est saute licou en Islaam si ça fine arrivé dans ene l'état Islamique. Donc courra ene musulman ki change so la reli­gion li vine ene Mourtadd, coumsa même ça musulman ki autorise faire ça-là aussi vine ene Mourtadd. Autorise vine kaafir faire ene dimoune vine kaafir acoze ki ça li indique satisfaction avec kufr. Et satisfaction avec kufr c'est ene acte de kufr. Allah Ta'ala dire dans Qour'aan-e-Kareem : "Et banne-là (banne kaafir) zotte pou continué la guerre avec ou ziska ki zotte pou retire ou depi dans ou Deen si zotte capave. Et parmi ou celui ki arrivé sorti depi dans so Deen et li mort comma ene kaafir, alors c'est ça même banne ki zotte banne actions fine annulé dans ça le monde-là et dans Aakhirat. C'est banne résidents dans l'enfer. Zotte pou reste là-dans pou tout le temps." (S2/V217)

Selon ene hadice ki trouve dans Sahih Boukhari, Rassouloullah ‎(Sallallaahou A'laihi Wasallam)‎ fine dire :

"Celui ki change so Deen (la religion), alors touye li."

Change la religion veut dire sorti depi dans Deen Islaam et alle dans ene l'autre la religion. Donc d'après ça hadice-là, ene personne ki sorti depi dans Deen Islaam et alle dans ene l'autre la religion, mérite touye li comme sanction d'après l'Islaam. Et si ça fine arrivé dans ene l'état non Islamique, alors l'état Islamique pas pou interfère avec li parceki li pas sous so juridiction mais de toute façon li bien grave ceki la personne fine faire. So punition aussi li bien grave parceki li pou reste dans l'enfer éternellement. Ibn Qudaamah dire dans so Al-Mughni : "Banne 'Oulama zotte unanime lors le fait ki li obligatoire exécute ene Mourtadd (ene ki fine commette l'apostasie). Ça fine être rapporté de Hazrat Abou Bakr ‎(Radiyallahou anhou‎)‎, Hazrat 'Oumar‎(Radiyallahou anhou‎)‎, Hazrat Usmaan‎(Radiyallahou anhou‎)‎, Hazrat Mou-'aaz ‎(Radiyallahou anhou‎)‎, Hazrat Abou Moussa ‎(Radiyallahou anhou‎)‎, Hazrat Abdullah Bin Abbaas‎(Radiyallahou anhou‎)‎, Hazrat Khalid ‎(Radiyallahou anhou‎)‎ et lezot. Et ça pas fine être contesté. Donc li fine vine ene ijma (consensus)." (Al-Mughni)

[Extrait de Al Jamiat Vol.2 No.9]