Doah

Allah Ta'ala so trésor ena tout ceki nou bizin. Quand nou bizin kitchose et en général tout ceki nou bizin, nou bizin dimane Allah Ta'ala. D'après ene hadice ki trouve dans Tirmizi, Nabi ‎(Sallallaahou A'laihi Wasallam)‎ ti adresse Hazrat Abdullah Bin Abbaas ‎(Radiyallahou anhou‎)‎ et fine conseille li:

"… Et quand to ena pou dimandé, dimane avec Allah Ta'ala et quand to bizin aide, dimane aide avec Allah Ta'ala …"

Alors quand nou bizin kitchose, nou pas bizin casse la tête avec personne. Nou ena nou Rabb ki content quand nou dimane li. Donc nou dimane li tout ceki nou bizin. Ça même ki appelle faire doah.

Ena ene façon pou dimane doah. D'après l'enseignement de Nabi ‎(Sallallaahou A'laihi Wasallam)‎, quand nou dimane doah, nou lève la main. Li pli bon si nou faire nou figure vers Qiblah. D'abord nou faire éloge Allah Ta'ala. Nou capave lire Sourah Fatiha comme éloge pou Allah Ta'ala. Ensuite nou lire daroud shareef. Après ça nou reconnaite nou manquement et nou l'incapacité et nou reconnaite capacité Allah Ta'ala. Nou plaigne nou la misère avec Allah Ta'ala. Nou dimane Allah Ta'ala ceki nou bizin avec ene conviction ferme ki Allah Ta'ala li tout seul ena capacité pou aide nou. Pendant ki pé faire doah si larme fine coulé, ça li ene très bon signe. Sinon li recommandé ki ene dimoune faire ene semblant ploré quand li pé dimane doah. Et ensuite li termine so doah avec darood shareef.

[Extrait de Al Jamiat Vol.4 No.10]