Cerf-volant

To la vie li couma ene cerf volant. Tanque ki li tini la corde et li reste dans dimoune-là so la main, li continué envolé. Et dimoune pas fini apprécié li. Malgré so coûte pique-tête et so virage à gauche et à droite, li continué garde l’altitude. Mais couma li casse la line, li vine ene proie bien facile pou tout ceki envi faire li di tort. D’abord li tombe dans piquant ki déchire li. Banne zenfants dépaille li. Et finalement li alle dans poubelle cote marchand saleté ramasse li et alle jette li pou brûlé.

Coumsa même ene dimoune bizin attrape la corde Allah Ta’ala. C’est là dans même ki ena so bien être et so sécurité. Malgré tout, au moins li pou reste dans le parage. Mais couma li casse la line et li tourne le dos, li vine couma ene objet ki gagne déchiré de tout ki prend plaisir dans déchire li.

Quand dimoune pou comprend ki so bien être total trouve dans conne renforci so relation avec so Rabb ? Ki dimoune pou perdi dans sacrifié ene tigite pou ene salut éternel ? Logique-là li ene logique facile mais le cœur-là ki pas oulé comprend. Ça aussi li capave vine facile. Mais au moins ene dimoune li donne ene morceau jour en compagnie ene personne ki ena ça volonté-là, c'est-à-dire ene conviction ferme et solide dans aakhirat ki li fine développé dans li. D’après l’ordre conviction li transmette dans ene dimoune par reste ene bon boute le temps avec banne ki ena ça conviction-là.

[Extrait de Al Jamiat Vol.5 No.6]