Ene dernier imbécile

Ene branche ki bien chargé, li pou toujours versé. Et ene drome ki vide pou faire tapaze plis ki bizin. Si ça li vrai, alors ça aussi li vrai ki dimoune ki vraiment ena kitchose dans li, li pou toujours humble. Et en principe, ene dimoune ki pena narien même ki ena tendance cause boucou pou faire croire ki li ene terrible. Celui ki croire ki li ene terrible et personne pas pou capave faire li narien, pé faire li même ene grand ditort. Parceki si li fine sapé avec insaan, li pas pou sapé avec Allah Ta’ala. Donc li bien bête si ene dimoune pensé ki li pou heureux par faire kikene di tort. Faire dimoune ditort jamais ti rapporte kit bienfait apart piquant. Allah Ta’ala pas pou laisse ou vive lors fleur quand ou mette piquant dans chemin dimoune. Ene dimoune ki croire ki li capave arrivé lors le dos dimoune li bizin ene dernier imbécile même.

[Extrait de Al Jamiat Vol.5 No.7]