Nombre de talaaq ki resté après ki fine donne deux talaaq dans le passé

Question :

Ene personne fine donne so madame ene talaaq. Apres ça zotte fine réconcilié dans moins ki ene dizaine de jours. Apres trois quatre bananés, missié-là redonne so madame ene talaaq. Dans ça cas-là combien talaaq fine resté dans missié so la main ?

Réponse :

Li reste necque ene seul talaaq dans so la main. Li bizin faire attention. Si ça fois-là li donne li encore ene talaaq, so madame pou sorti complètement depi dans so nikah. Li pas pou capave réconcilié ni li pou capave refaire nikah avec li.

Li bon conné quand ene missié donne so madame ene talaaq ou deux talaaq, ça talaaq-là li comptabilisé et li diminué dans so quota de 3 talaaq quand même missié-là arrivé réconcilié avec so madame.

Ena boucou dimoune pensé ki ça talaaq-là tombé quand fine réconcilié. C'est-à-dire après ça talaaq-là missié-là continué ena le pouvoir de 3 talaaq. Mais ça li pas vrai. Par réconciliation, nou necque empêche li mette séparation, mais li pas tombé. Li couma dire ene balle ki fine parti ki pas pou retourné jamais.

[Extrait de Al Jamiat Vol.5 No.9]