Sajdah tilawat

C’est ene sajdah ki vine wajib par récite certaine versets dans Qour’aan. Coumsa ena 14 places dans Qour’aan. Chaque verset nécessite ene seul sajdah. D’après la façon recommandé ou débouté et ou dire Allahou Akbar, ou alle dans sajdah. Après sajdah ou re dire Allahou Akbar et ou debouté. Si ene dimoune li faire li assizé même, alors ça aussi li permette.

Ça sajdah-là couma li vine wajib quand récite ça banne versets-là, coumsa même li vine wajib lors ene personne ki tanne ça. Mais bizin tanne ça avec la bouche ene dimoune. Si fine tanne ça lors radio, cassette ou bien lors ene l’autre l’appareil, alors ça pas pou nécessite sajdah.

Li pas obligé faire li toute suite si li ene récitation en dehors namaz. Capave faire li pli tard aussi pourvu bizin pas faire li dans banne l’heure interdit couma soleil levé, soleil couché et quand soleil li lors la tète. Oui si jamais fine arrivé récite ça banne versets-là dans ça banne l’heure-là même, alors li pou permette mais là aussi li pou pli bon si post-pone li pou plitard.

Quant à banne l’heure couma l’intervalle entre soubh swadiq et levé du soleil, l’intervalle entre namaz assar ziska soleil vine jaune, alors c’est necque namaz nafil ki pas gagne droit faire. Mais capave faire sajdah tilawat et coumsa même gagne droit faire namaz qaza.

Li bon conné si ene madame pendant so haiz ou bien pendant so nifaas li arrivé tanne verset ki ena sajdah tilawat, alors li pas pou vine wajib lors li.

[Extrait de Al Jamiat Vol.6 No.7]