eski banne aleem jamiat ulemah faire waseelah a travers banne wali?

Answer

Li dépanne ki ou comprend par "Waseelah".

En réalité Waseelah veut dire ene moyen. Prend waseelah kikene dans dua signifié " O Allah ! Accepter mo dua par barakat tel wali". C'est ene pratique ki presque tous Ulama e kiraam fine accepté li, excepté Sheikh Ibné Taymiyyah (Rahimahullah). Banne Ulama de Deoband zotte accepté sa genre de Waseelah la. Jamiat Ul Ulama so banne Ulama aussi accepté sa pratique la.

Sa pratique la li seulement ene pratique recommandé. Li pas sunnah, waajib ou bien farz. Etant donné ki sa pratique la fine mal prit et mal comprit par certaine banne dimoune a cause sa ena banne Ulama zotte hésité pou mentionne sa nom waseelah la pou évite tous banne abus.

Couma le nom Sunnat jamaat, Tableegh jamaat et Tawheedi etc ki dimoune pe mal comprend et mal servi coumca même sa nom waseelah la aussi dimoune pe mal comprend li et pe mal servi li. Sinon tous dimoune pe servi li dans so la vie de tous les jours. Par exemple; ou gagne problème avec ene kikene, alors pou sorti depi sa difficulté la ou dire " Eyy pas faire erreur avec moi, mo intel so dimoune moi ou bien mo intel so frère moi". Sa aussi li ene waseelah et tous dimoune faire li. Be Quand nou dire " O Allah ! Accepter nou dua par barakat de Nabi (Sallallaahu alaihi wasallam) la dimoune pas trouve sa waseela la bon?