COMMUNIQUE JUM CONCERNANT RAMADHAN 2020

Assalaamu alaikum warahmatullahi wabarakaatuh
Vu ki commencement Ramadhan nou pou encore dans confinement, alors nou faire ene rappel à nou banne frère musulmans ki zotte continué respecté banne consignes ki fine donné concernant faire namaz dans la caze. Nou conné ki li bien douloureux pou banne ki ti pé habitué faire tous zotte namaz dans masjid. Néanmoins, faire ene faux-pas zordi, capave ranne situation de banne musulmans difficile dans le future.
But de ça communiqué-là, c’est éclaircir certain points pou facilite nou banne frères et soeurs musulmans concernant zotte banne Ibaadat pendant ça mois sacré-là.

LA LUNE DE RAMADHAN:

La lune de Ramadhan pou prend naissance jeudi,  le 23 avril à 06:26 . Insha Allah, le publique pou être informé concernant visibilité la lune.

Banne l'articles de JUM concernant la lune: http://www.jamiat-ul-ulama.org/carticles/La%20lune

ROZA:
Si ene personne ena ça trois critères suivants-là dans li, Roza de Ramadhaan pou obligatoire lors li:
 1. Islam.
 2. Puberté
 3. Sain d'esprit
Donc Roza pou obligatoire lors ene musulman ki sain d'esprit et ki fine arrive l'age de puberté. Sans ene raison valable, li pas pou gagne droit manque ene roza aussi. Manque ene Roza sans ene raison valable li ene gounah kabeerah (ene grand péché).
Donc même ena confinement aussi, nou bizin pas ratte nou Roza.

Quelques Questions/Réponses concernant Roza: http://www.jamiat-ul-ulama.org/qa/Ramadhaan

SEHRI /IFTAAR
Levé pou faire sehri li sounnah. Même si nou pas faim ou bien nou pas envie mangé, li bon nou faire z’effort pou levé et boire même ene gorgé de l’eau pou accomplir ça sounnah-là. Meilleur moment pou faire sehri c’est quelques moments avant Soubh Saadiq. Mais faudré pas faire li trop dans dernier l'heure ki capave crée doute dans roza. Faudré pas attane azaan pou arrête mangé-boire. Si fine mangé l'heure azaan après Soubh Saadiq, Roza pas pou compté.
Coumça même bizin prend boucou précaution avant faire iftaar. Ena punition très sévère pou banne ki faire iftaar avant l'heure. Selon ene hadice ki trouve dans Al-baihaqui, banne ki faire iftaar avant l'heure, pou croque zotte par zotte tendon. Zotte deux cotés la joue pou déchiré et pou saigné. Si arrivé fine faire Iftaar avant l'heure, pou bizin remplace ça Roza-là.

L’heure Sehri et Iftaar pour Maurice: http://jamiat-ul-ulama.org/sites/default/files/Horaire%20Sehri%20and%20Iftaar%201441.jpg

TARAAWEEH
Pareille couma nou pe essaye reste ponctuel lors nou 5 fois Namaz dans la caze pendant confinement, coumça même nou bizin essaye faire de même pou Namaz taraweeh pendant ça mois-là. Nou capave faire li tout seul ou avec ene ti jamaat. Mais pas gagne droit faire li par suivre kikene ki pé faire li online à travers banne réseau sociaux ou bien radio ou bien télévision. 
20 Rak'aat Namaz Taraaweeh li Sunnat-e-Muakkadah lors banne missiés, banne madames, banne garçons et banne tifilles ki fine atteindre l’âge de puberté. 
Li sunnah pou faire Khatmul-Quraan dans Taraaweeh en jamaat, mais si pena ene Haafiz, alors capave lire banne ti sourah aussi dans tous les 20 rakaat. Mais seulement, pas gagne droit guette dans Qour'aan lire dans namaz. Hazrat Abdullah Bin Abbaas (Radiyallahu Anhuma) fine dire ki Hazrat 'Oumar (Radiyallahu Anhu) ti empêche guette dans Qour'aan quand dirige banne dimoune dans namaz. Néanmoins, nou capave profite ça le temps libre ki nou pé gagne dans confinement-là pou faire maximum Khatmul Qour’aan.

Explication détaillé concernant guette dans Quraan lire quand pe faire Namaz: http://jamiat-ul-ulama.org/node/2595

Plis ki nou pou dans confinement pendant Ramadhan, banne madames aussi capave joine jamaat ki zotte banne mahrams pe faire. Normalement, si banne zenfants aussi pe joine jamaat, zotte pou bizin deboute derrière Saff banne missiés. Dans ça cas-là, banne madames pou déboute derrière saff banne zenfants.

Publication JUM concernant Namaz Taraaweeh: http://www.jamiat-ul-ulama.org/carticles/Taraweeh

N.B (1): Si confinement pou prolongé, alors JUM pou tire ene lotte communiqué concernant I’tikaaf et Namaz Eid Insha Allah.

N.B (2): Bientôt, JUM pou avise le publique concernant nisaab zakaat, Insha Allah.

 Ml Sidick Dilkholaush
 President JUM