Hadith

Hadice No 2

"المسلم من سلم المسلمون من لسانه ويده والمهاجر من هجر ما نهى الله عنه" (البخارى)

"Ene vrai musulman c'est ene kikene ki banne musulmans reste en paix de so la langue et so la main. Et ene vrai mouhajir, c'est celui ki reste éloigné de ceki Allah (Ta'ala) fine interdit."

 

 

Explication:

 

Jannat et Jahannam

 « Difé (l’enfer) li enveloppé avec banne tentations et jannat li enveloppé avec banne difficultés » (Bukhari)

N.B :

C'est-à-dire dimoune ki tombe dans tentation, li alle zoine difé l’enfer finalement. Et dimoune ki subir difficulté dans pratique Deen, alors ça amène li dans jannat.

[Extrait de Al Jamiat Vol.6 No.6]

Sahaba-e-Kiraam ‎(Radiyallahou Anhoum‎)‎

Sahaba c'est le pluriel de Sahabi.

Ene Sahabi c'est ene personne ki fine trouve Nabi ‎(Sallallaahou A'laihi Wasallam)‎ en etat de Imaan et li fine mort aussi en etat de Imaan.

100 rahmat

Allah Ta’ala fine créé 100 rahmat. C’est necque ene parti là-dans ki li fine faire dessane parmi so banne créatures ki à travers ça zotte ena pitié ene à l’autre. Et ena part de 99 rahmat ki réservé cotte Allah Ta’ala. (Tirmizi)

Fine dire 100 rahmat zisse pou faire comprend. Sinon Allah Ta’ala so rahmat li pas limité à ene certaine nombre ou quantité. C'est-à-dire zisse ene quantité narien ditout ki nou trouvé dans ça le monde-là. Pli grand rahmat Allah Ta’ala, nou pou trouve li dans aakhirat.

Ene vrai musulman

"Ene vrai musulman c'est ene kikene ki banne musulmans reste en paix de so la langue et so la main…"

(Boukhari)

Ena plusieurs niveau de Imaan. Donc ena plusieurs catégories de musulmans par rapport à ça degré de imaan ki chakene possédé. Si li vrai pou dire ki ene personne ki faire so prochain du tort li continué reste ene musulman, ça aussi li vrai ki li pas ene bon mulsulman.

Servi travail aakhirat pou gagne dounia

"Parfum jannat (li ene parfum ki) capave gagne li depi ene distance ki capave couvert dans 500 bananés. Mais ene dimoune ki servi travail aakhirat pou li gagne dounia, pas pou gagne ça parfum-là." (Dailami)

[Extrait de Al Jamiat Vol.5 No.10]

Cherche dounia à travers banne actions de aakhirat

"Celui ki cherche dounia à travers banne actions (ki dimoune faire pou) aakhirat, alors ça dimoune-là so lumière lors so visage pou enlevé, so nom pou effacé et so nom pou gravé dans jahannam." (Tabrani)

[Extrait de Al Jamiat Vol.5 No.9]

Syndicate content