Zikr

Nom Allah Ta’ala

Allah Ta’ala li grand. C’est necque Allah Ta’ala même ki conne so Grandeur. Quant à nou, nou bizin contente nou par necque dire ki pena narien couma Allah Ta’ala. Allah Ta’ala li incomparable. Coumsa même Allah Ta’ala so nom aussi li boucou grand. C’est necque banne ki zotte chance fort ki gagne l’occasion prend ça nom beni-là. Dimoune ki gagne l’occasion prend nom Allah Ta’ala, li bizin considère li bien heureux.

Istighfaar

Tout dimoune bizin dimane pardon avec Allah Ta’ala pou banne manquements ki li ena. Dimane pardon avec Allah Ta’ala même ki appelle istighfaar.

Pêle-mêle

Shariat pas autorise le pêle-mêle entre sexes opposés, ki ce soit ene rassemblement social ou religieux. Li haraam pou missié madame réuni ensemble pou n'importe ki but. Récemment fine ena pêle-mêle de missié madames dans ene masjid cote ene madame fine faire khutbah et zotte fine faire namaz ensemble. Coumsa même à Maurice ena ene secte ki rassemblé banne missié madames pêle-mêle ensemble pou faire zikr. Banne madame habillé tout en blanc faire ene cercle tout autour banne missié et zotte bouge-bougé zotte faire zikr avec daff.

Protection d'Allah Ta'ala

Ene dimoune li dans bien ou soit li dans problème, tout ça-là vine de coté Allah Ta'ala. Sans volonté Allah Ta'ala, narien pas capave bougé. Donc ena ene seul moyen pou reste protégé de banne difficulté et banne problèmes, c'est ki ene dimoune li dresse so la vie et li cherche protection Allah Ta'ala.

Zikrullah

Différence entre ene dimoune ki faire zikrullah et ene dimoune ki pas faire zikrullah li couma dire différence ki ena entre ene dimoune vivant et ene cadavre mort. Zikrullah li garde le cœur vivant. Et quand ene dimoune perna ça dans li, so le cœur li mort. Quand le cœur vivant, ene dimoune li ena l'envi pou faire ibaadat. Quand li mort, li perna goût faire ibaadat. Li capave passe divant la porte masjid ou bien li reste blagué en dehors masjid, mais li pas pou ena la volonté rente dans masjid.

Valeur chaque seconde ki passé dans faire zikrullah

Valeur chaque seconde ki passé dans faire zikrullah, li pas moins ki l'univers. Ça natte déchire-déchiré cote banne Ahle-Wafaa (banne ki sincère envers Allah Ta'ala) assizé pou faire zikrullah, li pas moins ki trône banne le roi. (Aarif Billah Hazrat Maulana Hakeem Akhtar Sahab)

[Extrait de Al Jamiat Vol.3 No.6]

Zikrullah

Ene personne fine dimane Rassouloullah ‎(Sallallaahou A'laihi Wasallam)‎ pou montré li ene pratique ki li capave attrape li bien fort. En réponse Nabi ‎(Sallallaahou A'laihi Wasallam)‎ fine dire li:

"Laisse to la langue trempé dans Allah so zikr".

Syndicate content