Dou'aa "Allahoumma Inni Aswoumou Radan Laka Faghfirli Maa Qaddamtou Wa Maa Akh-Khartou" l'heure sehri

Question: Qui ou pensé lors sa dou'aa ki lire l'heure sehri, c'est-à-dire: "Allahoumma Inni Aswoumou Radan Laka Faghfirli Maa Qaddamtou Wa Maa Akh-Khartou". Eski ena sa dans hadice?

Réponse : Pour dire ki sa dou'aa là ena dans hadice ou perna li dans hadice, dimane ene connaissance assez profond et vaste ki nou pas prétende ena li dans nou. Et l'autre coté nou pas trouve personne pou prend lors li pou faire ene déclaration aussi audacieuse. Acoze sa nou perna le courage prend le risque dire ki sa dou'aa là pas existé dans hadice. Le moins ki nou capave dire très aisément ki li pas dans nou connaissance. Li bon nou faire ressortir à ce stade ki nou reconnaite ki nou l'ignorance de quelque chose dans Deen li pas ene preuve ki sa kitchose là pas existé. Mais le sens de sa dou'aa là li tout à fait correcte ki bénéficié l'autorisation du sens général de ene hadice selon lequel Rassouloullah ‎(Sallallaahou A'laihi Wasallam)‎ fine dire:

"Ena trois catégories de personne ki zotte dou'aa pas rejeté: Le rozedaar tanque ki li pas faire Iftaar ..." (Tirmizi et Ibn Maajah)

En état de roza, ene rozedaar capave dimane tout sorte de dou'aa ki bénéfique pou li dans sa le monde là et dans Aakhirat. Ça hadice là li recommande et approuve banne dou'aa pareil. Ça dou'aa là aussi li ene dou'aa couma tout dou'aa. Donc perna narien mauvais dans faire sa dou'aa là. Li tout à fait correcte.

[Extrait de Al Jamiat Vol.1 No.4]