Ceki ene musulman bizin cachiette

Ene dimoune bizin cachiette défaut so camarade. Li pas permette pou ene musulman en temps ki ene musulman ki li dévoile défaut so prochain. Couma boire la bière, du vin et mange la viande porc li haraam, coumsa même dévoile kikene so défaut aussi li haraam.

Rasouloullah ‎(Sallallaahou A'laihi Wasallam)‎ fine dire: "...Celui ki cachiette (défaut) ene musulman, Allah Ta’ala pou cachiette so défaut dans ça monde-là et dans Aakhirat."

Ça principe cachiette et pas dévoile défaut ene dimoune-là, li appliqué tanque ki ça pas affecté l'intérêt ene l'autre dimoune. Mais si ça vine ene danger ou ene menace pou ene l'autre dimoune, à ce moment-là bizin averti banne parties concernées afin ki zotte capave prend zotte précaution et pas tombe dans piège. Par exemple, si nou conné kikene pé faire plan pou embette kikene, pou coquin kikene, pou faire kikene du tort ou bien pé faire complot pou touye kikene, alors dans banne cas pareil c'est nou devoir pou averti ça kikene-là afin ki li capave prend banne mesures nécessaire et ki li pas vine ene victime.

Dans ene situation coumsa, pas bizin cachiette. Coumsa même nou bizin dire tout ceki vrai avec kikene ki oulé gagne renseignement à propos kikene ki li oulé envoye li demande pou marié. Rasouloullah fine ‎(Sallallaahou A'laihi Wasallam)‎ dire:

"Ene personne ki contacté pou cherche conseil avec li, (li bizin toujours) ene personne ki agir avec l'honnêteté."

[Extrait de Al Jamiat Vol.1 No.7]