Mone tanne dire…

Dans l'epoque de Caliphat Abbaside ti ena ene grand 'Aalim dans Baghdad ki ti jouir ene grand reputation et ti ena beaucoup estime dans lizié banne dimoune.

Ene fois ene conversation fine deroulé entre li et ene personne.

La personne: "Est-ceki ou conné ki mone tandé lor ou camarade?"

'Aalim: "Mo pou faire ene ti l'examen avec toi: To ena pou repone moi trois question:

1) Eski li vrai ceki to pé dire moi?

2) Ceki to pou dire moi, eski li ene bon kitchose?

3) Eski li pou profitable pou moi?"

La Personne: "Sincerement parlant mo pas fine verifié ça causé la, parceki mo fine tanne li ek ene l'autre.

Et ça causé la li pas ene bon kitchose.

Et mo pas trouvé ki li profitable pou ou.

'Aalim: "Bé couma to oulé mo perdi letemps ecoute ene kitchose : ki pas vrai, ki pas bon et ki pas profitable."

Allah Ta'ala pé dire dans Sourah S49/V6

"O banne ki fine amene Imaan si ene dimoune en dehors cadre amene ene nouvelle acote ou, alors verifié bien pou ou pas interfer avec kit group sans conné et consequemment ou commence regrette lors ceki ou fine faire."

[Extrait de Al Jamiat Vol.1 No.9]