Hadice fabriqué? - L’encre de ene Aalim li pli sacré qui di sang ene Martyr.

Question:­

D’après ene certaine information, ça hadice suivant-là fine être considéré comme ene hadice fabriqué: Est-ce qui li vrai?

“L’encre de ene Aalim li pli sacré qui di sang ene Martyr.”

Réponse:

C’est ene hadice ki so l’authenticité li contestée. Mais nou ena plusieurs hadices ki donne le même sens ki fine être rapporté par différents Sahaaba-e-Kiraam ‎(Radiyallahou anhou‎)‎ couma Hazrat ‘Abdoullah Ibn Abbaas ‎(Radiyallahou anhou‎)‎, Hazrat ‘Abdoullah Ibn 'Oumar ‎(Radiyallahou anhou‎)‎, Hazrat ‘Imraan Ibn Houçain ‎(Radiyallahou anhou‎)‎, Hazrat Abou Dardah ‎(Radiyallahou anhou‎)‎, Hazrat Anas ‎(Radiyallahou anhou‎)‎ et Hazrat Nou’maan Ibn Bashir ‎(Radiyallahou anhou‎)‎. Quand nou guette le contenu de ça bannes hadices-là, nou trouve ene kitchose ki existé en commun dans tout. C’est la valeur ene ‘Aalim-e-Deen. Selon Al-Khateeb, Hazrat ‘Abdoullah Ibn 'Oumar ‎(Radiyallahou anhou‎)‎ rapporté ki Rassoulou-laah ‎(Sallallaahou A'laihi Wasallam)‎ fine dire:

 « L’encre 'Oulama fine pesé contre du sang banne “Shaheed” (Martyr), alors li (l’encre) fine pèse pli lourd.” (Al-Khateeb/Ibn-un-Najjaar)

Hazrat ‘Abdoullah Ibn Abbaas ‎(Radiyallahou anhou‎)‎ fine rapporté ki Rassoulou-laah ‎(Sallallaahou A'laihi Wasallam)‎ fine dire:

« Quand le jour de Qiyaamah pou vini, du sang banne Saheed pou pesé avec l’encre 'Oulama, alors l’encre 'Oulama pou pèse pli lourd ki du sang banne ‘Shaheed’. » (Ibnoun-Najjaar)

Hazrat Anas ‎(Radiyallahou anhou‎)‎ Hazrat Imraan Ibn Houçain ‎(Radiyallahou anhou‎)‎, Hazrat Abou Dardah ‎(Radiyallahou anhou‎)‎ et Hazrat Nou’maan Ibn Bashir ‎(Radiyallahou anhou‎)‎, zotte tous fine rapporte la même chose ki Hazrat ‘Abdoullah Ibn Abbaas ‎(Radiyallahou anhou‎)‎ et Hazrat ‘Abdoullah Ibn 'Oumar ‎(Radiyallahou anhou‎)‎ fine rapporté.

Ça banne hadices-là fine sélecté dans Kanzoul-‘Oummaal. Hafiz Ibn ‘Abdoul Barr (rahmatoul-laahi ‘alayh) aussi fine mentionne ça dans so Jami’oul-Bayaan Fil-‘Ilm. Imaam AI-Ghazaali (rahmatoul-laahi ‘alayh) aussi fine faire mention de ça hadice-là dans so Ihyaa-oul-Ouloom. Al-Hafiz Al-Iraqui (rahmatoul-laahi ‘alayh) fine qualifié le hadice rapporté par Hazrat Abou Dardah ‎(Radiyallahou anhou‎)‎ à ce sujet là comme ‘Dwa-ïf’ (faible). Perna personne parmi ça banne 'Oulama là ki fine qualifié sa hadice là comme “Mawdou” (fabriqué).

Ça prouvé ki selon ça banne 'Oulama-là, le hadice en question capave faible mais pas “Mawdou” (fabriqué). Li très probable ki banne 'Oulama ki fine déclare li “Mawdou”, zotte fine capave qualifié li ainsi par rapport certaine source particulier. Mais en général, li rapporté par banne Sanad et sources faibles.

Nou ena ene hadice rapporté dans lbn Majah par Hazrat ‘Ousmaan ‎(Radiyallahou anhou‎)‎ ki dire ki Rassoulou-laah ‎(Sallallaahou A'laihi Wasallam)‎ fine dire:

"Le jour de Qiyaamah ena trois catégories de personnes pou faire “Shafaa-‘at”: Banne Prophètes, ensuite banne 'Oulama et après ça banne ‘‘Shouhadaa” (Martyrs)".

Ça hadice-là aussi, plus ou moins li appuye thèse de banne hadices ki fine mentionnés. Ça donne nou forte l’impression ki le hadice bizin fondé. Li pas sans fondement. A la lumière de principe établi chez les experts dans la matière de hadice ki dire ki ene hadice rapporté par plusieurs sources et plusieurs Sanad faible, li vine dans rang et niveau ene hadice “Hassan”. Donc nou capave conclure très aisément sans aucune hésitation ki le hadice pas seulement ki li pas “Mawdou” mais li occupe ene rang de “Hassan”. A noter ki ene hadice Hassan li acceptable et li faire l’autorité.

[Extrait de Al Jamiat Vol.1 No.12]