Namaz et ene bon musulman

Ene bon musulman bizin pratique so cinq fois namaz tous les jours. Tanque capave li bizin faire li dans masjid avec jamaate. Néglige faire namaz avec jamaate sans ene raison valable li ene grand manquement ki représente tourne le dos avec le Moubaarak Sounnate de Rasouloulaah ‎(Sallallaahou A'laihi Wasallam)‎. Si jamais li pas fine capave faire li dans masjid. faudré pas li quitte li. Li bizin faire li cote li gagne l'occasion faire li. Li bizin régulier dans so namaz. Pou ene oui pou ene non, faudré pas li post-pone so namaz. Très souvent. dimoune dire : "Mo pou remplace mo namaz." Quand pas fine faire li dans so l'heure ki ti bizin faire, alors bizinmême remplace li. Mais faire ene façon ki pas réussi faire namaz dans l'heure ki ti bizin faire li, li ene péché bien grave. Donc faudré pas ene dimoune permette li quitte so namaz dans l'heure ki bizin faire li avec l'idée pou remplace li plutard. Parceki renvoye namaz pou plutard après so l'heure ki ti bizin faire li là-dans, li ene grand péché. Remplace namaz pas justifié renvoye namaz. Hazrat Oumar ‎(Radiyallahou anhou‎)‎ fine dire: 'La responsabilité pli essentielle pou ou auprès de moi c'est namaz. Celui ki pou préserve ça namaz-là, li pou observe les zotte kikchose pli bien. Et celui ki néglige li. li pou néglige les zotte kikchose pli bien encore. "

[Extrait de Al Jamiat Vol.1 No.12]