Le mois de Ramadwan

•  Ramadwan :
• Li ène l’occasion pou rattrape le retard ki fine ena pendant 11 mois.
• Li ène l’occasion pou tire ça la rouille ki fine gagne dans le cœur par commette banne péchés.
• Li ène moyen pou recharge batterie de Iman le cœur ki fine affaibli depi 11 mois.
• Li ène l’occasion pou gagne Allah Ta’ala so Pardon.
• Li rempli avec Barakate.
• Li rempli avec Rahmat.
• Li ène l’occasion pou gagne libération de l’enfer.
• Li ena ene la nuit (Lailatoul Qadr) ki meilleur ki 1000 mois.
• Li ene mois ki ene faraz so sawab là-dans li multiplié par 70.
• Li ene mois ki ene nafil so sawab là-dans li équivaut ene faraz.
• Li ene mois ki ene mou’mine (croyant) so rozi (nourriture) li augmenté là-dans.
• Li ene mois ki Allah Ta’ala décore Jannate pou so banne serviteurs pieux là-dans.
• Li ene mois ki banne grands Shaytwaans fermé là-dans.
• Li ene mois ki dou’aa pli accepté là-dans.
• Li ène mois pou réforme spirituel et faire servicing le cœur.

En ene mot : Ramadwan li tellement profitable, rentable et rempli de banne bienfaits ki si nou ti arrivé conne so valeur, nou ti pou souhaité ki entier banané vine Ramadwan.

Donc chaque musulman bizin profite le maximum dans ça mois là pou capave gagne maximum bienfaits dans dounyaa et dans Aakhirate. Onze mois nou fine consacré li pou dounya, ça ène mois-là nou garde li pou Aakhirate. La vie pérna aukene garanti. Ki conné ça Ramadwan-là nou là-haut la terre et Ramadwan prochain capave nou pas pou là.

Rassouloullah ‎(Sallallaahou A'laihi Wasallam)‎ fine dire : « Jibreel ‎(Alaihis Salaam)‎‎ fine envoye malédiction lors celui ki fine gagne le mois de Ramadwan mais li pas gagne Allah Ta’ala so Pardon. » Lors ça Rassouloullah ‎(Sallallaahou A'laihi Wasallam)‎ fine dire Amin ! (Haakim et Ibn Hib-baan)

A coze ça li important ki nou profite le maximum dans ça mois sacré-là. Nou consacré nou le temps dans Tasbeehaat, Zikrullah, Tilaawat-ul-Qour'aan, Istighfaar et namaz nafil et surtout namaz Tahajjud et Tarawih.

[Extrait de Al Jamiat Vol.1 No.14]