Bon maniere

Bon manière li pas ene kitchose ki vendé dans la boutique, dans bazaar ou quelque part. Li ene kitchose ki ene dimoune bizin inculqué dans li. Bon manière li inculqué et développé par reste en compagnie ene ki ena bon manière. Pas ziste ça. La personne bizin ena la volonté pou dresse so caractère et corrige so manière. Lerla capave gagne bon manière.

Quand ena pou apprane Deen, li très important pou guetté avec ki sanla pé apprane Deen. Parceki la personne avec ki ou pé apprane Deen, li joué ene rôle assez essentiel. Le cœur li couma ene récipient. La connaissance ki dessane et pénétré dans ça le cœur-là, li dépanne en majeur partie lors ça personne à cote ou gagne li. Si la personne li correcte, ça connaissance-là aussi pou correcte. Et si li pas correcte, bien rare pou trouve ça connaissance-là correcte. Li couma dire de l’eau ki coulé depi dans ene robinet. Si de l’eau dans bassin ou dans réservoir li propre, alors ça de l’eau-là aussi li pou propre. Mais si bassin ou bien réservoir pas bien équipé ou occupé, alors perna aukene garantie dans ceki pé coulé depi dans robinet.

Donc pou gagne bon manière, bizin reste ene bon boute le temps en compagnie ene ki ena bon manière. Si non, bon manière li pou ene kitchose ki pou necque reste fermé dans livres ou bien pou reste necque lors la langue. Rasouloullah ‎(Sallallaahou A'laihi Wasallam)‎ fine dire :

« Pli bon musulman c’est ene ki ena pli bon maniere».

[Extrait de Al Jamiat Vol.2 No.2]