Ene reflexion anti-sunnah

Réflexion :

« Quand to mama, to madame et to sœur pou gagne l’éducation islamique si to pas ouvert la porte masjid pou zotte ? »

Réponse :

 Masjid pou ouvert so la porte pou banne madames ziste :

1. Quand dans Oummat pou ena :

a. Fermeté de Hazrat Abou Bakr Siddiq ‎(Radiyallahou anhou‎)‎,

b.Solidité de Hazrat ‘Oumar ‎(Radiyallahou anhou‎)‎,

c. Haya et modestie de Hazrat ‘Ousmaan ‎(Radiyallahou anhou‎)‎, et

d. Piété de Hazrat Ali ‎(Radiyallahou anhou‎)‎

2. Quand banne pseudo-moudjtahid pou arrête, pou de bon, interprète Deen Allah Ta’ala d’après zotte l’envie et zotte désir personnel et ça aussi, par base zotte lors deux trois livres traduction ki zotte ena.

3. Quand toute ene chakene pou arrête :

a. Déclare zotte savants, et

b.joué avec Deen.

4. Quand banne ki fine ferme ça la porte-là (la porte masjid pou banne madames), pou vine re-ouvert li zotte même (par crée banne conditions nécessaires ki fine mentionnées là-haut).

Ça réflexion ki ena là-haut là, li anti-sunnah parceki Nou Prophète Hazrat Mouhammad Mustapha ‎(Sallallaahou A'laihi Wasallam)‎ jamais à jamais fine encourage banne madames pou vine masjid. Au contraire, li fine déclaré ki namaz ki ene madame faire cotte li dans ene coin pli retiré dans so la caze, li pli meilleure ki ça namaz ki li faire en dehors so la caze. Etant donné ki ça réflexion-là pé encourage banne madames pou vine masjid, li pé oppose entièrement la façon de faire de Rasouloullah ‎(Sallallaahou A'laihi Wasallam)‎. Acoze ça li anti-sunnah ! Donc calcule bien avant causé !

[Extrait de Al Jamiat Vol.2 No.2]