Avoye roche

“Quand ou la caze en vitre, faudré pas ou avoye roche lors la caze ou camarade.”

C’est ene causé ki ena boucou sagesse. Nou tous vulnérable parceki couma nou ena nou banne vertu, nous tous ena nou faille aussi. Rasouloullah ‎(Sallallaahou A'laihi Wasallam)‎ fine qualifié tout dimoune de pécheur. Avant nou critique kikene nou bizin guette nou même. Ki conné critique ki nou pé faire lors nou camarade, li applique lors nou même en premier lieu ? Et surtout quand nou cause causé ki pas bon lors banne savants de Deen, ça li pli grave encore. Eski ou fine déjà trouve kikene fine capave craze montagne avec so la tête ? Banne savants de Deen, zotte couma montagne. Ceki mal parle zotte li couma ene ki pé tappe so la tête lors roche. Li pas pou capave faire banne savants de Deen du tort. Li pou casse so la tête même et li pou faire li même du tort.

[Extrait de Al Jamiat Vol.2 No.2]