“Back to square one”

Ou capave faire grand l’avance avec ene ti salaire si ou conne contrôle ou dépense. Coumsa même ou capave bien progressé spirituellement avec ene ti peu Ibaadat supplémentaire si ou conne garde ou loin avec péché. Pas nécessaire faire boucou Ibaadat supplémentaire pou vine ene bon dimoune. Pas faire péché li ena pli bon l’effet lors comportement ene dimoune ki faire Ibaadat supplémentaire. Si ene dimoune faire boucou Ibaadat et en même temps li continué faire péché aussi, alors couma dire li pé rode rempli ene bassin ki ena la fuite ou bien ene panier ki pas capave retenir de l’eau. Li bien dur pou retrouve ou le soir lors même point depi cote ou ti commence ou trajet le matin. Ça veut dire ou retourne pareil sans kit l’avancement. Ene dimoune ki pas arrête faire péché aussi arrive li pareil. L’année allée, l’année vini, li reste sans aukene changement. Peut-être ça même ki appelle “back to square one”.

[Extrait de Al Jamiat Vol.2 No.3]