Eski ou conné ???

Eski ou conné ki :

• la plupart banne dimoune dans l’Arabie Saoudite zotte faire taqlid et zotte suivre Imam Ahmad Ibn Hambal (rahmatoul-laahi ‘alayh) ?
• depuis l’époque Hazrat ‘Oumar ‎(Radiyallahou anhou‎)‎ jusqu'à zordi jour dans Haram Shareef - Macca et Madina pé faire minimum 20 rakate Tarawih et ça fine prouvé avec preuve dans ene livre ki fine écrire par Sheikh ‘Atwiyyah Mouhammad Saalim ki ti pé donne cours dans Masjid An-Nabawi et li ti ene grand A’alim ?
• dans Haram Shareef - Macca et Madina donne deux azaan pou joumma ?
• dans Haraam Shareef - Macca et Madina prend noms de banne sahaabah dans deuxième khoutbah de joumma ?
• jusqu'à present tout banne shouyoukh (pluriel de sheik) ki nou fine joine ki fine vini depi l’Arabie Saoudite, zotte dire et zotte d’accord pou faire taqlid, c'est-à-dire suive Deen par suive l’interprétation ene Imam ?
• ki a l’occasion de Hajj ene nou banne ‘aalim fine tanne le grand Moufti de L’Arabie Saoudite Sheikh Abdool Azize Aali Sheikh dire ki bizin faire taqlid et sans taqlid pas pou capave pratique deen ?

[Extrait de Al Jamiat Vol.2 No.2]