La declaration de Imam Shafi’ (Rahmatoullahi ‘Alaiyh) lors pas faire Taqleed

Très souvent ena dimoune présente ene declaration ki Imam Shafi' fine faire, comme preuve pour defanne suive Imam dans pratique Deen, P'après ceki zotte présenté, Imam Shafi’ fine dire ki si trouve kit hadice conte ceki li fine dire, alors bizin prend hadice et laisse ceki li fine dire.

Li bon conné ki trouve ene hadice conte ceki ene Aalim dans stage ene Mujtahid fine dire li pas ene simple travail Et pas tout dimoune ki capave faire ça. Acoze ça Allaamah An-Nawawi dire ki ça li applique pou ene dimoune ki fine arrive lors stage et degré ene Mujtahid. Li pas applique pou tout dimoune. Ene dimoune dans ene tel calibre li bien difficile trouvé zordi jour.

Allaamah An-Nawawi li ene Aalim de septième siècle Hijri Li même li ti ene grand Aalim. Et dans so l’époque ti ena banne grand grand Aalim. Li pé cause concernant ene l'époque pareille ki zordi jour li difficile trouve ene dimoune de ene tel calibre, Donc imagine ene coup, ki quantité li fine vine pli difficile zordi jour dans I5eme siècle pou trouve ene dimoune dans ça calibre-la. Acoze ça, ça déclaration ki zotte amené pou defanne faire taqleed, li pas ene argument valable. Li plutôt ene argument contre ceki zotte oulé prouvé.

[Extrait de Al Jamiat Vol.2 No.8]