Le fanatisme

Li tout à fait logique si ene dimoune li content so propre communauté et so propre famille. Li ene erreur pou qualifié ene dimoune pareil de fanatique. Selon l’enseignement de nou Nabi ‎(Sallallaahou A'laihi Wasallam)‎, si ene dimoune content so famille ou so communauté, ça pas compte dans fanatisme. Oui, si ou prend part kikene ou bien part ou partisan, quand même si li en tort, à ce moment-là li compte dans fanatisme. Par exemple si ene chauffeur étranger fine faire ene accident dans ou l’endroit, alors ou commence agresse li malgré ki dimoune ki fine blessé-là ki en tort. Dans ce cas ou pé prend part dimoune dans ou l’endroit malgré ki li pas mérite ça. Donc dans prend so part, ou fine agresse ene innocent. Ça li appelle fanatisme. Et quand ou fine faire ça, ou vine ene fanatique.

Ene musulman li bizin content so frère musulman. Mais faudré pas li prend so part quand li en tort aussi. Content ene musulman pas veut dire faire l’injustice envers ene l’autre. L’Islam enseigne ou content ou qualité, aide ou qualité, reste dans ou qualité, vive avec ou qualité et protége ou qualité mais sans faire du tort à ene l’autre. Quand ou faire ça, ou pas vine ene fanatique. Ou vine ene vrai sympathique. Rasouloullah ‎(Sallallaahou A'laihi Wasallam)‎ fine dire :

“Ene (vrai) musulman li ene frère pou ene (l’autre) musulman. Ni li faire dominere avec li ni li délaisse li (pou kikene faire dominere avec li).”

[Extrait de Al Jamiat Vol.2 No.9]