Le hilaal ou le croisant

Li important pou non conné ki veut dire Hilaal. Parceki nou mois islamique li terminé et li commencé quand Hilaal paraite. Rassouloullah ‎(Sallallaahou A'laihi Wasallam)‎ fine dire dans ene hadice:-

'Pas commence garde roza tanque ou pas trouve 'Hilaal" (croissant) et pas arrête garde roza tanque ou pas trouve li ". (Boukhari)

Donc acoze ça nou bizin conné ki veut dire ça kitchose ki appelle Hilaal-là.

Banne différents phases de la lune

Pou comprend ça nou bizin conné ki la lune li traverse dans plusieurs phases pendant so trajet. Dans commencement mois, la lune li paraite bien mince et après ça li continué grossi juska ki li faire ene gros rond dans 14ème nuit. Apres ça li recommence diminué juska ki li vine bien mince. Et finalement nou arrête trouve li. Donc la lune li traverse par plusieurs phases pour atteine so phase finale lor 14eme nuit ki appelle "Badr'". Ensuite li commence rediminué

Ça phase acote nou arrête trouve la lune complètement appelle Mahaq ou bien Iqtiraan ou bien naissance de la lune. Dans langage technique appelle li A.N.M (Astronomical New Moon).'La lune pas trouvé aukene part dans le monde quand li traverse ça phase ki nou appelle Mahaaq ou bien Iqtiraan.

Apres ça phase-là, la lune vine dans ene l'autre phase acote ene parti de so surface commence éclairé ki capave trouvé depi lors la terre. C'est dans ça phase-là ki la lune appelle li Hilaal. Et avec la visibilité de ça même Hilaal ki ene mois terminé et l'autre mois commencé. La naissance de la lune pas dire narien dans Shariat. C'est visibilité Hilaal ki compté. Parceki Rassouloullah ‎(Sallallaahou A'laihi Wasallam)‎ fine attache le commencement de Ramadwan avec le "Rou'yah" (la visibilité) de Hilaal et c'est Hilaal même ki capave trouvé. Quant à la naissance de la lune li ene kitchose invisible. Rassouloullah ‎(Sallallaahou A'laihi Wasallam)‎ pas capave ordonne nou pou guette ene kitchose ki invisible. Rassouloullah ‎(Sallallaahou A'laihi Wasallam)‎ fine dire:-"Commence garde roza au moment de so (la lune) visibilité et arrête roza au moment de so visibilité Si kitchose barre ou guetté alors complète trente jours de Shahaan. " (Boukhari)

Dans ene l'autre hadice. Rassouloullah ‎(Sallallaahou A'laihi Wasallam)‎ fine dire:-"Quand ou trouve "Hilaal" (le croissant) Ier la commence gaude roza et (coumsa même) quand ou trouve li lerla ou arrête garde roza. " (Boukhari)

Banne hadices de Nabi ‎(Sallallaahou A'laihi Wasallam)‎ pé montré ki d'après principe de l'Islam, le mois li terminé et commencé à partir ki fine trouve la lune. Le mois de Ramadhaan aussi pou commencé quand fine trouve la lune. Ça veut dire ki bizin commence garde roza quand fine trouve la lune. Dans ene hadice Rassouloullah ‎(Sallallaahou A'laihi Wasallam)‎ fine dire:‑

"Pas commence garde roza tanque ou pas trouve "Hilaal " (croissant) ... " (Boukhari)

Si arrivé pas fine trouve la lune alors bizin complète les trente jours du mois de Shahaan. Ensuite le mois de Ramadwan pou commencé automatiquement parceki perna plis ki 30 jours dans ene mois Islamique.

Apartir quand bizin guette la lune?

D'après l'Islam ene mois Islamique li ena 30 jours couma ti capave ena 29 jours aussi. Rassouloullah ‎(Sallallaahou A'laihi Wasallam)‎ fine dire:-

"Le mois li capave être de 29 jours (aussi)." (Boukhari)

Donc le jour ki vine après le 29ème jour de Shahaan ena deux possibilités:

a) Li capave être le 30ème jour de Shahaan.

b) Couma li capave le premier du mois de Ramadhaan.

Alors bizin guette et cherche la lune le jour après le 29ème jour de Shahaan.Coumsa même pou la lune de Shawwaal ou la lune de Eid bizin guette la lune le jour après le 29ème roza.

Couma établir la visibilité de la lune pou Ramadhaan?

Apres le 29ème jour de Shahaan si le temps clair et peina nuage clans l'horizon à cote supposé trouve la lune, alors bizin ene bon nombre de personnes témoigne la visibilité la lune pou capave proclame la fin de Shabaan et le commencement de Ramadwan. Dans ce cas témoignage ene ou deux personnes pas suffit.

Mais si le temps li sombreux et nuageux ki empêche la visibilité la lune, alors lors témoignage ene personne ki bien dans Deen capave proclame le commencement de Ramadwan et la fin de Shabaan. Ça personne bien dans Deen-là capave ene missié coume li capave ene madame aussi.

Si le jour après le 29ème de Shahaan pas fine trouve la lune, alors bizin attane encore ene jour pou faire le mois vine de 30 jours. Apres le 30ème jour de Shahaan, automatiquement le mois de Ramadwan pou commencé.

[Extrait de Al Jamiat Vol.2 No.11]