'Aalim

'Aalim c'est ene personne ki ena la connaissance dans ene certaine domaine. Dans langage commun quand nou dire 'Aalim, ça signifié ene personne ki ena ene certaine quantité connaissance dans Deen ki li fine apprane li dans ene façon professionnelle avec banne professionnels.

Ene vrai 'Aalim c'est ene personne ki fine apprane Deen dans ene façon professionnelle et ki ena la frayeur Allah Ta'ala ki faire li pratique so Deen avec toute sincérité. D'après ça définition-là nou ena ene quantité 'Aalim dans le sens littéral mais nou ena bien tigite vrai 'Aalim.

Ki sanla ki ene vrai 'Aalim ou bien ki sanla ki li ene 'Aalim necque lors papier, ça pas tout dimoune ki capave prononcé lors-là. Bizin ene 'Aalim même pou capave prononce lors-là. Quand banne grand-grand 'Aalim accepté kikene comme ene vrai 'Aalim, alors li ene vrai 'Aalim quand même banne dimoune ordinaire zotte pense autrement. Ceki zotte dire lors ça vrai 'Aalim-là, li pas affecté position ça 'Aalim-là. C'est banne ki critique banne véritable 'Aalim ki brise zotte l'avenir et zotte expose zotte à la colère Divine. Zotte l'attitude montré ki Allah Ta'ala fine tourne le dos avec zotte.

[Extrait de Al Jamiat Vol.3 No.9]