Bizin fini faire prix zanimau ki pou faire Qourbaani avant coupe li!

Ene zanimau ki ou faire Qourbaani, li bizin fini vine pou ou avant verse so du sang sinon ou qourbaani pas pou compté. Pou ça zanimau-là vine pou ou, ou bizin fine fini acheté li avant coupe li. Si ou pencore faire prix pou ça zanimau-là quand pé coupe li, ça veut dire ki ça zanimau-là li pencore vine pou ou. Li encore pou so propriétaire. Acoze ça bizin guette bien. Boucou dimoune zotte ena l'habitude faire prix zanimau-là d'après poids ki li donné quand fini coupe li. Zotte pas faire so prix avant ça. Alors ça veut dire ki quand zanimau-là pé coupé et pé verse so du sang, li pencore vine pou ça banne dimoune ki fine part qourbaani dans ça zanimau-là. Ça li couma dire pé acheté la viande acote boucher. Acoze ça dans ça façon-là, qourbaani pas compté.

[Extrait de Al Jamiat Vol.3 No.11]