Néglige namaz

Néglige namaz li ene péché bien grave. Li tellement grave ki dans certaine hadice fine qualifié ça de kufr. Ki péché capave pli grave ki kufr? Selon ene hadice ki trouve dans Mousnad Ahmad, ene personne ki néglige namaz pou ensemble avec Qaroun, Fir'aun, Hamaan et Ubayy Bin Khalaf. Ça quatre dimoune-là c'étaient banne pire kaafir et banne bien mauvais dimoune. Donc néglige namaz li tellement grave ki li faire la personne vine dans groupe et rang banne pire kaafir.

Bizin prend compte et pense pou change la vie. Ene la vie sans namaz, li plutôt ene l'enfer. Anou faire nou la vie vine ene succès par vine bon namazi et pratiquant sincère!

[Extrait de Al Jamiat Vol.3 No.11]