Faire namaz vine Qaza

D'après Qour'aan-e-Kareem et hadice de Nabi ‎(Sallallaahou A'laihi Wasallam)‎, chaque namaz ena ene l'intervalle le temps ki bizin faire li là-dans. Si fine faire ene namaz avant so l'heure, alors ça namaz-là li pas compté. Et si fine faire li après ça l'heure-là, ça namaz-là vine Qaza. D'après l'ordre Qour'aan-e-Kareem et l'enseignement de Nabi ‎(Sallallaahou A'laihi Wasallam)‎, couma li faraz et obligatoire pou faire 5 fois namaz faraz, coumsa même li obligatoire pou faire li dans zotte l'heure ki fine fixé pou faire li. Quand ene dimoune li retarde ene namaz ziska ki so l'heure fine dépassé, ça namaz-là vine Qaza. Donc retarde ene namaz ene quantité ki li vine Qaza, li ene grand péché.

[Extrait de Al Jamiat Vol.3 No.11]