Madad-e-Ilaahi

Allah Ta'ala li ena capacité faire tout kitchose. Allah Ta'ala li honore so banne serviteurs privilégiés dans différent façon. Li donne zotte ceki zotte bizin sans ki zotte faire le moindre zeffort. Couma Hazrat Maryam alaihissalaam ti pé gagne banne fruits contre saison assizé dans Mihraab. Ça façon gagne aide de coté Allah Ta'ala, li pou continué existé. Li pas zisse pou ene certaine l'époque. Zordi aussi ça capave réalisé. Mais condition pou gagne ça privilège-là c'est taqwa. C'est-à-dire reste dans l'obéissance Allah Ta'ala par suive le mubaarak tareeqah (principe) de Nabi ‎(Sallallaahou A'laihi Wasallam)‎.

Dans Qour'aan-e-Kareem, Allah Ta'ala fine promette banne ki reste dans so l'obéissance ki li pou accorde zotte so aide dans ene façon miracle. Na perna aukene doute dans parole Allah Ta'ala. Donc perna doute ki aide Allah Ta'ala li ene kitchose dans sire pou banne pratiquants sincère.

[Extrait de Al Jamiat Vol.3 No.11]