Madame donne khutbah?

Pé tanne dire ki madame aussi pé donne khutbah et pé faire Imam dans namaz Jum'ah. Banne zomme et banne madames pé assize pêle-mêle cote à cote dans masjid. Normalement c'est ene pratique condamnable dans l'Islam. Et c'est banne égaré ki pé faire ça. Mais si zotte fine arrive ziska ça point-là, bizin ena ene commencement. Et ça point départ-là, c'est encourage madame vine faire namaz dans masjid. Ene madame ki ti habitué faire namaz dans ene coin retiré dans so la caze, jamais ti pou arrive ziska ça point-là. Et c'est ça même façon faire namaz ki recommandé par Rassouloullah ‎(Sallallaahou A'laihi Wasallam)‎.

Zordi jour banne soi-disant érudits ou islamologues pas conne le vrai système de pardah. Pou zotte pena narien dans l'apostasie aussi. Zotte trouve la loi de lapidation aussi ene fardeau. Zotte pé oulé suspanne ça la loi-là. Ene simple étudiant aussi pas pou hésité pou qualifié ça de l'égarement. C'est ene façon pou vende Deen. C'est à travers campagne de libertinage et grâce à banne fatwa irréfléchi de la part banne irresponsable ki zordi nou pé trouve nou dans ene situation pareille. Dans l'Islam, madame so place pou faire namaz c'est dans la caze. Li pas gagne droit pêle-mêle avec le sexe opposé. Donc pena question de faire Imam ou donne khutbah. Madame ena so l'honneur et so dignité et ça pou reste préservé tanque ki li garde li loin de toute mixité.

[Extrait de Al Jamiat Vol.3 No.14]