L'amour pou Rassouloullah ‎(Sallallaahou A'laihi Wasallam)‎

L'amour pou Rassouloullah ‎(Sallallaahou A'laihi Wasallam)‎ li ene kitchose très essentiel pou Imaan. Imaan pas existé sans ça l'amour-là. Au contraire ene dimoune bizin ena ça l'amour-là plis ki tout kitchose pou li capave vine ene bon musulman.

L'amour ki banne Sahaba-e-Kiraam ti ena pou Rassouloullah ‎(Sallallaahou A'laihi Wasallam)‎ li ene l'amour unique et exemplaire. Quand zotte ti pé assize devant Rassouloullah ‎(Sallallaahou A'laihi Wasallam)‎, par respect zotte pas ti pé bougé couma dire zoiseau ti pé assize lors zotte la tête ki capave envolé si zotte bougé. Zotte ti pé frotte salive et la crache Nabi ‎(Sallallaahou A'laihi Wasallam)‎ lors zotte le corps par l'amitié ki zotte ti ena pou li. Zotte ti faire zotte le dos vine ene bouclier pou sépare Rassouloullah ‎(Sallallaahou A'laihi Wasallam)‎ dans champ de bataille. Zotte fine expose zotte la vie pou sauve la vie de Rassouloullah ‎(Sallallaahou A'laihi Wasallam)‎.

Ene fois banne kaafir fine dimane ene Sahabi zisse avant ki zotte faire li shaheed, eski li pas ti content ki so Nabi ‎(Sallallaahou A'laihi Wasallam)‎ ti dans so place. Sahabi-là repone:

"Mo préfère donne mo la vie ki ene piquant pique dans li pied mo Nabi ‎(Sallallaahou A'laihi Wasallam)‎ ".

Allah! Allah! Ça ki appelle Mohabbat. Ça ki appelle Ishq-e-Rassoul ‎(Sallallaahou A'laihi Wasallam)‎. 

Attention!

Ki faire bizin honté pou raconté ki banne Sahaba-e-Kiraam ti pé frotte la crache et salive moubaarak de Nabi ‎(Sallallaahou A'laihi Wasallam)‎ lors zotte le corps? Eski dimoune pas faire plis ki ça? Eski dimoune pas avale salive ou la crache so partenaire? Mais ça zotte pas prend compte parceki zotte faire li dans ene moment ki zotte pas conné cote zotte été. Banne occident zotte faire plis ki ça encore. Donc faudré pas nou complexé pou raconte banne vérités ki ena dans nou Deen. La vérité pou reste la vérité quand même ça pas plaire banne ki pas content la vérité.

[Extrait de Al Jamiat Vol.3 No.14]