Ki faire musulman fine vine couma ene zouzou dans la main lezot?

Si musulman pé faire face à ene quantité problèmes dans le monde, li pas acoze ki li pena moyen pou combatte so adversaire. Parceki jamais dans l'histoire musulman fine porte la victoire par so la force matérielle. Tout le temps li fine gagne la victoire par l'aide de coté Allah Ta'ala. Allah Ta'ala so l'aide li dessane lors banne ki pratique Deen et reste dans so l'obéissance. Allah Ta'ala content banne ki suive so Nabi ‎(Sallallaahou A'laihi Wasallam)‎. Sans suive Nabi ‎(Sallallaahou A'laihi Wasallam)‎, pena Deen ni aide de coté Allah Ta'ala. Tanque muuslman fine reste dans Deen, fine obéir Allah Ta'ala et fine suive Nabi ‎(Sallallaahou A'laihi Wasallam)‎, Allah Ta'ala fine aide zotte et zotte fine continué gagne la victoire. Mais quand musulman fine néglige so Deen, fine nepli conne Allah Ta'ala et fine abandonne le sounnat de Nabi ‎(Sallallaahou A'laihi Wasallam)‎, zotte fine perdi partout. Donc nou succès li trouve dans Deen. Hazrat 'Oumar ‎(Radiyallahou anhou‎)‎ fine dire:

"Nou ti ene peuple bien bas ki Allah Ta'ala fine donne nou prestige à travers l'Islam. Si nou pou cherche ça prestige-là par ene l'autre moyen ki ça, Allah Ta'ala pou dénigré nou."

Donc le vrai prestige li trouve dans Deen mais faudré pas nou pratique Deen pou gagne prestige ou soit pou gagne l'honneur. Nou bizin toujours pratique Deen acoze Allah Ta'ala.

[Extrait de Al Jamiat Vol.3 No.14]