La nécessité ene Sheikh

Ena des fois ene dimoune vine dans ene situation cote li difficile prend ene décision. Li capave ene fin intellectuel mais ena banne moments cote li tellement troublés ki li pas conné ki direction li bizin prend. Dans ene situation semblable li bizin ene kikene ki sincère et ene ki ena l'expérience dans la vie ki pou capave conseille li et aide li pou sorti depi dans dilemme ki li été.

Dans Deen aussi, ene dimoune li faire face à banne problèmes pareille de temps à autre cote li trouve li dans la nécessité ene ki capave aide li pou surmonte so banne problèmes. Ça ene kikene-là c'est ene Sheikh. Si ou ena l'habitude franciser ou capave appelle li ene guide spirituel. Ça Sheikh-là li bizin ene personne sincère ki ena ene bon connaissance de Deen et ki pena narien à reproché concernant so comportement dans Deen. Si kikene fine gagne ene personne pareille comme guide, li bizin remercié Allah Ta'ala boucou parceki bien rare ene dimoune gagne ene cadeau aussi précieux.

[Extrait de Al Jamiat Vol.3 No.14]