Imam Mahdi (r)

Littéralement Mahdi signifié ene kikene ki li lors chemin droite. Dans ça sens-là, ça capave applique pou chaque bon musulman. Mais le Mahdi ki fine être annoncé par Nabi ‎(Sallallaahou A'laihi Wasallam)‎ dans banne hadices, c'est ene personnage très particulier ki pou faire so l'apparition dans Makkah.

L'apparition de ça personnage-là, c'est le premier signe parmi banne grand signes de Qiyaamat.

D'après hadice li pou appelle Mouhammed, so papa pou appelle Abdullah et so mama pou appelle Aminah. Li pou vine depi dans descendant de Hazrat Fatimah (R). Li pou ene habitant de Madinah. De par so l'apparence et so conduite, li pou bien ressemblé Nabi ‎(Sallallaahou A'laihi Wasallam)‎.

Banne Aulia-Allah (personnages pieux) et banne Abdaal (ene titre pou ene certaine catégorie de banne personnages pieux) de Shaam et de Iraq pou faire bai-ah (prend l'engagement) dans so la main. C'est-à-dire zotte pou prend l'engagement pou accepté li comme zotte amir et zotte chef. Li pou déterre trésor ki fine enterré dans Ka'bah et li pou partage ça dans banne musulmans. Li pou dirige entier le monde. Pendant so règne, li pou combatte l'injustice dans tous so forme pou finalement établir ene société rempli de paix, de l'harmonie et de la justice.

Dajjaal pou faire so l'apparition dans so l'époque même. Et c'est dans so l'époque même ki Hazrat Issa ‎(Alaihis Salaam)‎‎ pou dessane depi lors le ciel dans Damasque.

Imam Mahdi pou faire jihad contre banne chrétien et li pou conquérir Constantine. A noté ki croire dans l'avènement de Hazrat Mahdi (R) li ene de banne croyances fondamentales de Ahl-us-Sunnah Wal Jama'ah parceki l'avènement de Hazrat Mahdi li soutenu et prouvé par banne hadice Moutawaatir et approuvé par le consensus de l'Oummah.

[Extrait de Al Jamiat Vol.3 No.15]