Boucou travail dans tigite le temps

Maulana Abdul Hayy (R) ti faire ene causerie à l'occasion Aqeeqah Hakeem Abdussalaam. Dans ça cérémonie-là ti ena Maulana Sayyad Ahmad Shaheed (R) et Maulana Sayyad Ismael Shaheed (R) aussi ki ti présent. Dans so causerie, Maulana Abdul Hayy (R) fine dire ki Allah Ta'ala mette boucou barakat dans le temps de so banne serviteurs privilégiés ki permette zotte faire travail de quelque jours dans quelques heurs. Par exemple ena banne ki capave termine ene Qour'aan entier dans l'intervalle entre namaz Assar et Maghrib. Maulana fine cause ça dans ene ton ki fine donne l'impression ki Allah Ta'ala fine accorde li aussi ça karamat-là. D'ailleurs dans ene façon bien explicite, li fine faire ressortir ki Allah Ta'ala fine accorde Maulana Ismael Shaheed ça karamat-là.

Astere banne dimoune fine tombe lors Maulana Ismael Shaheed (R) et zotte fine dimane li pou montré zotte ça karamat-là. Lors zotte l'insistance Maulana Ismael Shaheed (R) fine termine ene Qour'aan entier dans l'intervalle entre Assar et Maghrib devant des milliers de personne ki ti rassemblé lors pont de la rivière Goomtee ki trouve dans Lucknow.

(Hikaayaat-e-Auliya)

[Extrait de Al Jamiat Vol.4 No.3]