Les points sur les 'i'

Ene principe de da'wah

Nou faire da'wah pou faire dimoune comprend. Acoze ça quand nou expliqué, nou bizin faire li avec toute clarté. Faudré pa nou cachiette nou derrière banne expressions obscures et ambiguës. Ça façon-là li ena toute chance induire le public en général dans l'erreur au lieu guide zotte vers le droit chemin. Ça façon faire da'wah-là li pas ene façon pou développe le public mais li ene façon pou enveloppe zotte dans l'égarement. Acoze ça, si kikene dimane ou eski ene musulman capave converti à ene l'autre religion, alors si ou ene bon musulman ou bizin repone li dans ene façon nette et claire ki c'est ene péché bien bien grave ki ene musulman pas gagne droit faire li et ki l'Islam préconise ene sanction bien sévère pou celui ki faire ça bêtise-là. Mais si au lieu ça, ou dire ki li capave converti à ene l'autre religion à condition ki li pas critique l'Islam après ça, bé ça ou pé mette ou même dans kufr et ou pé mette dimoune dans l'erreur. Quand dimoune tanne ça, li comprend ki pena l'utilité reste ene musulman. Li comprend ki ene musulman li capave change so la religion et adopté n'importe ki la religion ki li oulé et effectivement c'est ceki banne jeunes pé faire à Maurice.

Dans ene situation pareil, c'est le devoir de ene vrai prédicateur et ene bon musulman vine expliqué ki li pas fine dire ça pou la presse capave amène rectification nécessaire si ça fine mal rapporté. Ki li coûte à ça prédicateur-là pou li déclare haut et fort ki li haraam et interdit pou ene musulman quitte l'Islam et rentre dans ene l'autre religion et ki ça li ene péché très grave ki mérite la peine capitale dans ene l'état islamique?

C'est le devoir de ene prédicateur sincère et soucieux ki li transmette le message de l'Islam dans toute clarté au lieu joué kouk-cachiette derrière banne expressions obscure et ambiguës. Parceki couma li pas bon mal pense kikene, coumsa même li pas bon donne kikene l'occasion mal pense ou.

[Extrait de Al Jamiat Vol.4 No.8]