Ishq-e-Rasoul

Ishq ou l’amour pou Rassouloullah ‎(Sallallaahou A'laihi Wasallam)‎ li pas ene kitchose ki nou bizin necque dire avec la bouche. C’est ene kitchose ki nou bizin vive li. C'est-à-dire nou bizin suive sounnat de Nabi ‎(Sallallaahou A'laihi Wasallam)‎ dans tous banne aspects de la vie. Ene aashiq-e-Rassoul pas capave à aukene moment pas pratique sounnat de Nabi ‎(Sallallaahou A'laihi Wasallam)‎ parceki Nabi ‎(Sallallaahou A'laihi Wasallam)‎ fine dire :

« Celui ki fine content mo sounnat, fine content moi … »

Donc couma li possible ki ene aashiq pas mette en pratique principe de celui ki li content? 

Acoze ça ene vrai aashiq-e-Rassoul pas capave pena la barbe. Coumsa même ene vrai aashiq-e-Rassoul pas capave mette ene pantalon ou ene izaar ki dépasse so cheville. Dans la même façon ene aashiq-e-Rassoul pas capave suive la mode lezot et en même temps pretanne content Rassouloullah ‎(Sallallaahou A'laihi Wasallam)‎.

Banne Sahaba-e-Kiraam ti ena boucou ‘mouhabbat’ (l’amour) pou Nabi ‎(Sallallaahou A'laihi Wasallam)‎. Zotte ti suive Nabi ‎(Sallallaahou A'laihi Wasallam)‎ dans banne pli tipti détaille ki capave. Zotte pas ti ena ça notion montré ça mouhabbat-là necque dans ene certain jour. Acoze ça nou aussi nou bizin content Rassouloullah ‎(Sallallaahou A'laihi Wasallam)‎ dans la même façon ki banne Sahaba-e-Kiraam ti content li. Nou bizin montré nou l’amitié pou Rassouloullah ‎(Sallallaahou A'laihi Wasallam)‎ tous les jours par vive d’après so sounnat.

[Extrait de Al Jamiat Vol.4 No.12]