Suive aveuglement

Si ou gagne kikene ki bien sérieux dans Deen et ki fine gagne l’occasion et l’honneur apprane Deen avec banne ustaad (professeur) qualifié, alors ou bizin considère ça ene grand faveur de coté Allah Ta’ala.

La faim, la soif et la guérison li trouve dans la main Allah Ta’ala mais Allah Ta’ala faire nou servi banne moyen comme nourriture et médicament pou gagne ça. Coumsa même hidaayat li trouve dans la main Allah Ta’ala mais Allah Ta’ala recommane nou banne personnages pieux pou gagne ça.

Si ou fine gagne ene personne de ça calibre-là, alors ou capave suive li aveuglement aussi si fallait. Jamais ou pou égaré. Si ou interfère avec li, c’est ou même ki pou dans difficulté. Ki de mal ena si ou mette ou dans so la main pareil couma ou largue ou le corps lors la table opération divant ene chirurgien. Eski pas ene genre de confiance même ki faire ou faire ça ? Ki ena si ou faire li dans Deen ? Mais à jamais pas suive ene aveugle ni aveuglement ni lizié ouvert. Banne aveugles dans Deen c’est banne ki pas fine gagne l’honneur apprane Deen avec banne ustaad qualifié. Par contre pena narien dans suive aveuglement banne ki Allah Ta’ala fine accorde zotte Noor-e-Basweerat. Au contraire sans ça façon suive-là, travail pas marché. Pou comprend ki veut dire Noor-e-Basweerat, ça aussi li dimane passe ene ti pé le temps en compagnie banne ustaad qualifié.

[Extrait de Al Jamiat Vol.5 No.1]