L’habit ne fait pas le moine

Ça li ene proverbe. Li pas ene verset Qour’aan ou bien ene hadice.

Souvent dimoune servi ça pou justifié pas garde la barbe et en même temps pou critique banne ki garde la barbe. Nabi ‎(Sallallaahou A'laihi Wasallam)‎ fine ordonne pou garde la barbe. Faudré pas nou servi sa proverbe-là pou critique banne ki garde la barbe. Ça proverbe-là pena aukene valeur divant l’enseignement et l’ordre Nabi ‎(Sallallaahou A'laihi Wasallam)‎. Ça kitchose-là c’est ene ki ena vrai l’amour Nabi ‎(Sallallaahou A'laihi Wasallam)‎ ki pou comprend ça. Par contre ene ki pli lezot ki musulman, li difficile pou comprend ça. Ça proverbe-là li applique plitôt pou banne ki pas capave reste sans costume cravate. Peut être zotte pas capave vine directeur ou bien manager sans zotte l’habillement. Parceki jamais zotte alle dans zotte bureau dans ene tenue léger. Zotte toujours mette zotte dans genre. Si zotte l’habillement ki faire zotte paraite ene directeur, zotte bizin conné ki la barbe li faire ene dimoune paraite musulman.

Si zotte cravate faire zotte vine directeur, c’est pas avec la barbe ki ene dimoune vine musulman mais ene musulman bizin garde la barbe. C’est banne ki zotte le cœur fine aveuglé ki ena le courage critique ene sounnat de Nabi ‎(Sallallaahou A'laihi Wasallam)‎ et ene ki pas trouve clair ki pas capave différencié entre la barbe ene musulman et ene sikh. Ene dimoune ki ena vraiment l’amour pou Nabi ‎(Sallallaahou A'laihi Wasallam)‎ même pou apprécié ça sounnat-là.

[Extrait de Al Jamiat Vol.5 No.3]