Exécute nou devoir avant nou réclame nou droit

"Si mo ti ena pou ordonne kikene pou prosterné divant kikene (apart Allah Ta’ala), mo ti pou ordonne ene madame pou prosterné divant so missié." (Tirmizi)

Explication :

Pas gagne droit faire sajdah divant kikene. Ça c’est ene kitchose ki bizin faire pou Allah Ta’ala tout seul. Mais si jamais ça ti permette, li ti pou permette pou ene madame faire li divant so missié. Par cela, Nabi ‎(Sallallaahou A'laihi Wasallam)‎ fine oulé attire l’attention lors droit ki ene missié ena lors so madame. Couma ena ene leçon important pou banne madame, coumsa même ena ene grand l’exemple ki banne missié bizin tiré. Si acoze ene simple contrat nikah, ene madame li bizin ena ça quantité l’estime-là pou so missié, bé insaan même ki quantité reconnaissance li bizin ena pou Allah Ta’ala ?

Acoze ça, avant nou réclame nou droit avec nou madame, nou bizin guetté eski nou fine exécute nou devoir envers Allah Ta’ala ki fine donne nou tou. Et si nou donne nou madame tort acoze ene certaine négligence, bé ki quantité coupable nou été quand nou pé désobéir Allah Ta’ala la nuit li jour.

[Extrait de Al Jamiat Vol.5 No.4]