Ene l’examen

Ene personne fine vine cote Bishr Bin Al-Harith (R) et fine exprime so l’intention de hajj. Quand Bishr (R) fine dimane li, li dire ki li fine économise 2000 dirham pou ça projet-là. Bishr (R) fine dimane li ki to but été par alle faire hajj ? Eski to pé faire ça pou to exprime to la piété ou bien to l’amour ardent pou Ka’bah ou bien pou cherche plaisir Allah Ta’ala ? Li dire ki li pé faire ça pou le plaisir Allah Ta’ala. Lors ça Bishr (R) dire li bé mo montré toi ene moyen par lequel to capave gagne ceki to pé rodé, assizé dans la caze. Li fine accepté ça proposition-là. Bishr (R) dire li alle aide banne dimoune ki dans le besoin. Et si to oulé, to capave donne ça ene seul dimoune aussi parceki faire le cœur ene musulman content, aide dimoune ki dans problème et secours banne ki faible li meilleur ki 100 hajj nafil. Alle faire ceki mone dire toi faire. Ou bien to dire moi ceki to ena dans to le cœur. Lerla ça dimoune-là fine dire ki en réalité mo pé plis envi voyagé. Bishr (R) faire ene sourire et dire li quand ene dimoune so la monnaie li impure et douteux, lerla so le cœur exige li pou satisfaire so passion mais li faire ça sous couverture banne bon actions. Et pourtant Allah Ta’ala fine engage li pou pas accepté narien apart action ki banne pieux faire. (Ihyaa-ul-Uloom)

[Extrait de Al Jamiat Vol.5 No.4]