Tentative pou démolir l’Islam

Banne législation couma lapidation pou ene personne marié ki fine commette l’adultère ou bien la peine de mort pou ene personne ki fine commette l’apostasie, fine toujours existé. Banne grand grand ‘Oulama couma les 4 Aïmmah, Imam Abou Hanifah, Imam Malik, Imam Shafeï et Imam Ahmad Bin Hambal (R) pas fine trouve aukene défaillance ni kit irrégularité dans banne hadices ki prouve ça. C’était banne personnages ki à aukene moment dans aukene circonstance pas fine considère ou bien analyse aukene la loi avec légèreté. Zotte bien connu pou zotte connaissance profonde dans Deen et zotte comportement irréprochable et exemplaire pou tout un chacun. Après zotte, banne savants de hadice, banne juristes et banne érudits fine continué accepté li. Pena personne dans l’histoire de l’Islam ki fine mette en question ça banne la loi-là.

Dimoune ki pas conné, zotte pas conné même, mais dimoune ki dans le domaine et ki conne ça banne personnages-là, zotte conné ki valeur recherche de ça banne personnages-là été. Li impossible ki ene kitchose so base ou fondation li faible et li passe inaperçu sans kikene de ça banne personnages-là fine réussi détecté li. Li impossible ki ene fausseté fine être pratiqué pendant des siècles.

Le fait ki tous banne savants de tout bord fine accepté ça banne la loi-là, li ene preuve assez solide pou dire ki banne source de ça la loi-là aussi li bien fondé. Zotte fine adopté ça banne la loi-là après avoir vérifié le bien fondé de zotte source.

L’authenticité ene hadice li pas basé seulement lors l’authenticité banne narrateurs ki trouve dans so la chaîne de transmission. Ena boucou lezot critères ki banne savants dans le domaine prend en considération avant prononce lors ene hadice. Par exemple ene hadice li capave faible de par so sanad mais le fait ki l’oummah accepté ça hadice-là favorablement, ça faire li vine parfois ziska même dans ene degré de hadice Moutawaatir ki capave servi ziska même pou abroge ene stipulation catégorique aussi. Similairement ene hadice capave paraite authentique. Mais parfois nou trouvé ki banne Fouqaha (juristes) pas fine applique li. Ena capave pensé ki ça fine échappe l’attention banne Fouqaha. Ça possibilité-là li trop minime pou capave être considéré. Au contraire le fait ki zotte pas fine considère ça hadice-là li ene indication ki ça hadice-là li opposé par ene preuve pli authentique ki li.

Nou capave dire ena telle ou telle lacune dans hadice ki traite la loi concernant lapidation ou bien la peine capitale pou l’apostasie mais faudré pas nou blié ki banne ‘Oulama de tous les temps fine accepté ça. Tout démarche pou qualifié ça de quelque chose inexistant dans l’Islam li représente ene tentative pou démolir l’Islam parceki ça li pou signifié l’Islam fine être mal interprété et conséquemment mal pratiqué et mal appliqué pendant 1400 bananés. Après ene coup dur pareil, li pas pou difficile pou dire ki musulman pas fine gagne l’Islam dans so forme authentique parceki li fine fini faussé depi so commencement même. Après ça ki garanti ou capave donné ki ça Qour’aan-là li authentique et si l’oummah fine bien comprend aussi ça Qour’aan-là.

Ceki malheureux c’est ça banne dégâts-là pé causé avec complicité banne ki appelle zotte musulman. Mais après ene tentative pareil, li difficile pou dire si pou ena kitchose ki appelle l’Islam ou musulman ki pou continué existé. Parceki soit Qour’aan-e-Kareem pou vine inapplicable ou bien li pou être manipulé ou mal interprété par banne islamologues ou islamophobes ki fine formé dans la main lezot et ki pas fine gagne la chance bénéficié avec le Rouhaniyyat et la spiritualité de banne personnages pieux.

[Extrait de Al Jamiat Vol.5 No.7]