Problème 3 talaaq

Zordi jour dimoune pé vive par l’intérêt. Au lieu suive Deen, zotte pé servi Deen. Et ça aussi avec complicité banne ki pretanne ena connaissance de Deen et banne ki ena B.A et M.A dans shariah. Surtout zotte pé faire ravage concernant le problème de 3 talaaq. Combien dimoune ena ki pé vive dans zinaa avec zotte bénédiction. Bizin conné ki quand ene dimoune fine donne so madame 3 talaaq ene seul coup, ça li compte 3 même pas ene seul. Zotte pas gagne droit vive ensam sans halaalah. Et attention ! Halaalah na pas faire dans ene façon arrangé. Ça li arrivé dans ene façon normal sans aukene l’arrangement. Ene dimoune ki continué reste ensam après avoir donne 3 talaaq ene seul coup, li reste dans zinaa entier so la vie.

Banne ki pretanne 3 compte 1 seul, zotte pena aukene preuve concrète. Quand zotte pas capave prouve li par banne preuves, alors zotte commence joué avec sentiment dimoune. Zotte faire dimoune croire ki 3 talaaq compte 3 talaaq c’est ene fatwa dans l’inde ça. Li paraite ki zotte pas conne zotte géographie bien. Parceki c’est le verdict de Nabi ‎(Sallallaahou A'laihi Wasallam)‎ ça. C’est le verdict de banne Sahaba-e-Kiraam ça. C’est le verdict de Hazrat ‘Oumar ‎(Radiyallahou anhou‎)‎, Hazrat Ousman ‎(Radiyallahou anhou‎)‎, Hazrat Ali ‎(Radiyallahou anhou‎)‎, Hazrat Abdullah Bin Mas’oud ‎(Radiyallahou anhou‎)‎, Hazrat Abdullah Bin Oumar ‎(Radiyallahou anhou‎)‎, Hazrat Abdullah Bin Abbaas ‎(Radiyallahou anhou‎)‎ et lezot Sahaba-e-Kiraam. C’est le verdict de 4 Imam; Imam Abou Hanifah, Imam Malik, Imam Shafeï et Imam Ahmad Bin Hambal (R). Ena kikene là-dans ki fine prend naissance dans l’Inde ???? Ou bien ti ena ene l’époque cotte l’Arabie ti appelle l’Inde ????

Assez embêté dimoune ! C’est le verdict ki bénéficié l’appuie de l’unanimité de banne Sahaba-e-Kiraam. Compte 3 talaaq comme 1 seul, c’est en l’encontre et en opposition de l’unanimité de banne Sahaba-e-Kiraam. C’est ene façon pou pretanne conne Deen et comprend Deen pli bien ki banne Sahaba-e-Kiraam. Quelle imbécillité !

[Extrait de Al Jamiat Vol.5 No.8]