Pas hésité !

Ena tout ceki nou bizin pou nou bien-être et bien-être de nou banne proches et nou banne bien-aimés dans trésor Allah Ta’ala. Li ene qualité trésor ki pas diminué jamais. Li reste intacte couma li ti été auparavant et li pou continué reste pareil. Donc pas hésité dimandé ceki ou envi et la quantité ki ou envi. Ou pou fatigué dimandé mais Allah Ta’ala li pas fatigué donné. Allah Ta’ala pas agacé quand dimoune dimane li. Au contraire Allah Ta’ala li pli content ene dimoune ki dimandé avec li.

Mais faudré pas nou dimane kitchose ki li ene péché. Par exemple dimane doah pou capave construire ene casino, ene la salle cinéma ou bien ene tifille li faire doah pou li capave sélecté comme ene hôtesse de l’air etc. Banne doah semblable pas gagne droit dimandé. Coumsa même li haraam pou ene tifille dimane doah pou vine Miss Mauritius, Miss World etc. ni li gagne droit prend part dans banne concours pareil.

Apart haraam, nou gagne droit dimane tout ceki nou envi avec Allah Ta’ala et nou bizin confiant ki Allah Ta’ala pou accepté nou doah. Faudré pas hésité !

[Extrait de Al Jamiat Vol.5 No.9]